Доц. д-р Оливера Саракинова е родена на 11.10.1962 година во Скопје. Основно образование и гимназија завршила во Скопје. Дипломира 1985 година на Стоматолошкиот Факултет во Скопје. Истата година се запишува на постдипломски студии, а магистерскиот труд со наслов “Потреба и оправданост од одржувачи на простор при прерана едентација на млечни заби” со успех го одбранила во 1991 година. Специјалистичкиот испит го положила во 1994 година. Во 2003 година ја одбранила својата докторска дисертација со наслов: “Евалуација на кариес протективниот ефект на на полиолите изразен преку дејството на ксилитол”.

Доц. д-р Оливера Саракинова има дваесет и едно годишно искуство од наставно научната област на Стоматолошки Факултет во Скопје и како клинички лекар во ЈЗУ Универзитетски стоматолошки клинички центар св. Пантелејмон, Скопје. Од 2011 година е избрана во доцент на Факултетот за стоматологија при Европскиот Универзитет, Република Македонија.

Има објавено 65 авторски труда и учестувано на голем број меѓународни конгреси:  Sarakinova O., Petrovska M. i sor. “Xylitol-Sorbitol and Str.mutans colonization in saliva and dental plaque”  Balkan Stomatological society 2004, GC Tooth Mousse vo preventivnata stomatologija”, IV Congress of the Dentsits of Macedonia with International Participation Ohrid, 2006, Gingival hypertrophy in children on phenitoin mono and polytherapy,  Balkan Stomatological society, 1997, Психолошки одговор на децата на денталните интервенции Саракинова О., Поп – Јорданова Н., Демерџиева А., 2. Конгрес на стоматолозите Охрид, Здружение на стоматолозите од Македонија, 1998, The prevalence of “baby bottle caries”, Kokoceva-Ivanovska O., Carcev M., Petanovski H.  Од 2000-2003 учествува во проект: “Евалуација на кариес протективниот ефект на шеќерните субситуенти од типот на полиоли (ксилитол, сорбитол).

Во 1998 година како ментор на студентска тема заедно со студентот добива прва награда на Студентскиот Конгрес. Првонаградената тема на конкурсот на ниво на Универзитетот “Свети Кирил и Методиј” станува лауреат од областа на медицината. Исто така, за своите активности  и остварена стручна сорабока со еминентни професори од Медицинскиот и Фармацевтскиот Факултет е наградена со пофалница, дипломи и плакета од Македонското лекарско друштво.