Родена е на 01.04.1977 година во Скопје. Во 2001 година дипломира на Економскиот факултет на Универзитетот„Св. Кирил и Методиј“-Скопје, насока Деловна економија, отсек Финансово, банкарско–сметковотствен менаџмент. Потоа се запишува на последипломските студии на Економски институт на Универзитетот „Св. Кирил и Методиј“-Скопје, насока Финансиски менаџмент и во 2005 година по завршувањето на предвидени испити го брани магистерскиот труд под наслов: “Финансиски деривати и нивната примена при управување со ризици”. Докторската теза со наслов “Финансиски деривати–стратегии за тргување и управување со ризиците”, ја пријавува и истата е одбранета на Економскиот институт на Универзитетот „Св. Кирил и Методиј“-Скопје, во 2008 година.
Во 2001 година успешно  ја завршува обуката за примена на меѓународните ревизорски стандарди  “Auditing - international auditing standarts”. Во периодот 2004–2005 година учествува во програмата за обука во банкарството и финансиите во рамките на “Центарот за банкарство и финансии–Скопје” во соработка со “ Banc Acadamy Intarnational trading and Consultants Services”–Франкфурт. Во 2005 станува дел од истражувачкиот тим на Нато–SfP каде што работи на проектот “Manadement of Securities Related  R&D in support of Defense Industrial Transformation, NATO” – SfP 982063.

Во периодот од 2000 до 2002, Александра Станковска се вработува во IRC (International Rescu-Macedonia) како финансиски асистент. Работната кариера ја продолжува во “ММ-Колеџ”–Скопје (2002) како помлад асистент по предметите “Трговско право” и “Меѓународни економски односи”. Во 2003 година, на “Факултетот за општествени науки”–Скопје избрана е за помлад асистент истражувач за меѓународниот финансиски и портфолио менаџмент. Во 2004 година, работи на Прв Приватен Универзитет “Европскиот универзитет–Република Македонија”, Скопје, како помлад асистент. Во 2005 година добива рецензија за повисоко звање на асистент по група предмети од областа на финансиите (Финансиски менаџмент, Хартии од вредност и портфолио менаџмент, Девизна политика, Економија на јавен сектор). Од 2008 е избрана за доцент на Факултетот за Економски науки при Прв Приватен Универзитет “Европски универзитет–Република Македонија”, Скопје.  

Финансиски деривати и нивната примена при управување со ризици, (2005)
"Economic Aspect of Security in the Black Sea Region”, Zoran Ivanovski, Aleksandra Stankovska, Nato programme: Security through Science advanced Research, Establishing Security and Stability in the Role of New Democracies (2006).
Параметри на ценовниот ризик во портфолио од акции, Годишник на трудови, ЕУРМ, 2008.
Коавтор е на книгите  “Девизна политика” (2006) и”Економија на јавен сектор” (2006) кои се користат како учебни помагала за студенти.
Финансиски деривати–стратегии за тргување и управување со ризиците (2008).
Автор е на следниве книги: „Меѓународни финансии“ (2008) и „Инвестиционен менаџмент“ (2009).