Родена е на 18.10.1981 година во Скопје. Завршила средно образование во ДУСО "Орце Николов" во Скопје, генерација 1996-2000. Дипломирала во ноември 2004 година на Универзитетот Св." Кирил и Методиј" - Скопје, на Економскиот факултет во Скопје, насока Финансиски менаџмент со просечна оцена 9.03 и се стекнала со степенот и стручен назив дипломиран економист на департманот по Финансиски менаџмент. Завршила постдипломски - магистерски студии на Франкофонскиот Институт за Администрација и Менаџмент во Софија (IFAG - Institut de la Francophonie pour l’Administration et la Gestion), диплома Master од државниот Универзитет во Nantes, Франција, генерација 2004-2005 и се стекнала со академски степен Магистер по бизнис администрација – МБА менаџмент.

Работела во период од шест месеци како асистент во департманот за продажба (Département Pièces Détachées) во YORK France – Nantes, кое претпријатие од 2005 година е составен дел на Johnson Controls Inc. Овластен судски преведувач од македонски на англиски и француски јазик и обратно. Од февруари 2006 година е вработена на Првиот приватен универзитет - Европски Универзитет Р. Македонија. Избрана е во соработничко звање асистент од областа на Менаџмент на Факултетот за Економски науки, предмети: Меѓународен менаџмент и Меѓународна трговија.