Јован Пехчевски е роден на 14 Јуни 1972 во Скопје. Во 1996 год. Јован се стекнува со универзитетска диплома од Електро-техничкиот факултет при Универзитетот “Св. Кирил и Методиj” во Скопје, Македонија. Во 2006 год. се стекнува со звање Доктор по компјутерски  науки од Школото за компјутерски науки и информациски технологии при Универзитет Кралски Мелбурн Институт по Технологии (RMIT University)  во Мелбурн, Австралија. Во периодот од ноември 2006 год. до ноември 2007 год. работи како истражувач – постдокторант во институтот  INRIA Rocquencourt во Франција. По завршувањето на посдокторантскиот период, Јован добива позиција Декан на Факултетот за комјутерски науки и технологии при Универзитетот МИТ во Скопје, за потоа во 2009 год. да прејде на Европскиот Универзитет во Скопје во функција на Професор-Доцент по компјутерски науки.

Од 1998 год. до 2002 год. Јован работи како системски инженер за поддршка на компјутерски системи и мрежи во Министерството за одбрана на Република Македонија (владина институција) и Македонски Бизнис Системи (компанија во приватна сопственост) во Скопје. Во 2008 год. постанува главно одговорно лице по наука и научно знаење (CSO/CKO) во ИТЕА Солушнс, млада претприемачка компанија која го разви познатиот веб пребарувачки портал Набу (www.nabu.mk) и популарниот агрегатор на вести Daily.mk (www.daily.mk). Јован е член на МАСИТ Советот на експерти и професионален член на ACM и IEEE.

Јован активно ги предава следните предмети: Структурирано програмирање, Објектно-ориентирано програмирање, Компјутерска организација и архитектура, Web развојни технологии, Web програмирање со бази на податоци, XML фамилија на технологии, Web сервиси, Бази на податоци, Напредни бази на податоци, Мрежни оперативни системи, Безбедносни аспекти на интернет трговија, Компјутерска и интернет форензика, Пребарување на информации и Методологија на научно-истражувачка работа.

Јован е автор на повеќе од 25 научно-истражувачки публикации публикувани во разни зборници и презентирани на повеќе светски конференции. Неговите истражувачки интереси вклучуваат фокусирано пребарување на информации, евалуација на фокусирано и содржински ориентирано  XML пребарување, и извлекување на знаење со посебен фокус на пребарување и рангирање на именувани ентитија.

Јован бил член на програмскиот комитет на SIGIR 2006 работилницата во полето на  XML пребарувачки методологии одржана во август 2006 год. во Сиетл, САД. Тој исто така бил организатор на серијата истражувачки семинари на AxIS GEneral Reading club (AGER) во INRIA Rocquencourt, и ко-организатор на работната група на INEX 2007 метрики за ефективност на XML пребарување (XML retrieval еffectiveness measures). Јован е еден од авторите на Енциклопедијата за системи на бази на податоци издадена во 2009 година од страна на Спрингер (Springer's 2009 Encyclopedia of Database Systems). Тој е исто така и активен стручен рецензент на многу  конференции и меѓународни научни зборници, како што се ACM Transactions on Information Systems (ACM TOIS), Springer Journal of Information Retrieval, ACM International Conference on R&D in Information Retrieval (ACM SIGIR), ACM International Conference on Information&Knowledge Management (ACM CIKM), International Conference on Flexible Query Answering Systems (FQAS), Australasian Database Conference (ADC) и International Conference on Database and Expert Systems Applications (DEXA).

Во 5-годишниот период од 1991 до 1996 год. Јован е носител на редовна стипендија за талентирани студенти со напредни резултати и интереси одобрена од Министерството за образование и наука на Република Македонија. За време на неговите додипломски студии на Универзитетот “Св. Кирил и Методиj” во Скопје,  во периодот од 1993 до 1996 год. четири години по ред Јован е исто така добитник на наградата за најдобар студент на генерација. Тој е носител на австралиската Стипендија за постдипломски истражувачки студии за меѓународни студенти (International Postgraduate Research Scholarship -IPRS), која  австралиската влада ја доделува за постдипломски студии на меѓународни студенти кои покажале исклучителни резултати во текот на своето претходно школување. Во април 2005 год. Јован ја добива Наградата за Индустрија од Гугл (Google Industry Award) за постигнати исклучителни академски резултати во програмата за докторски студии (PhD) на RMIT Универзитот.