Д-р Томислав Џеков дипломирал и магистрирал на насоките електроника, односно комуникации, на Електротехнчкиот факултет во Загреб, во 1967 и 1972 година. Во 1976 година, како Фулбрајтов студент и научен соработник во Истражувачкиот центар Valley Forge на  Унивезитетот во Пенсилванија (University of Pennsylvania), тој се здобил со докторат на науки во областа  на процесирање на сигнали.

По дипломирањето, д-р Томислав Џеков се вработил како видео-инженер во Радио-Телевизија Скопје

Во 1969 година, д-р Томислав се префрлил на Електротехничкиот факултет во Скопје, каде што бил избран за асистент, а подоцна, во 1974 година, и за доцент по електроника. Во 1979 тој бил унапреден во вонредеден професор , а во 1985 година и во редовен професор.

Д-р Томислав Џеков бил визитинг професор на Техничкиот факултет во Битола, Воената академија на Република Македонија, ММ-колеџ  и Универзитетот во Тетово.

Од октомври 2008, д-р Томислав Џеков е професор при Европскиот Универзитет на Република Македонија, каде што предава Податочни комуникации, Принципи на логичко проектирање и Компјутерска архитектура.

Д-р Томислав Џеков бил декан на Електротехничкиот факултет во Скопје од 1987 до 1989.

Д-р Томислав Џеков учествувал, како сениор експерт, во ITU  проектот "Feasibility study on local manufacture of telecommunications equipment in Nigeria" , каде што го раководел делот што се однесува на истражување и развој.

Д-р Томислав Џеков бил координатор на заедничкиот европски проект JEP TEMPUS-PHARE project (S_JEP12103-97) "Development of Power Electronics Courses - Design and Applications". Освен тоа, тој бил и академски експерт за селекција по повиците за Заеднички Темпус Проекти во 2004, 2005 и 2006 година.

Подрачја на негов интерес се полупроводниците, дигиталната електроника, процесирањето на сигнали и фотониката.

Д-р Томислав Џеков е автор/коавтор на преку 50 научни трудови презентирани на домашни и интернационални конференции или публикувани во часописи како Proceedings of IEEE, Electronics letters, Microelectronics journal, Journal of computational electronics and Informacije MIDEM. Тој е автор универзитетски учебник (Микроелектроника).

Д-р Томислав Џеков бил раководител на неколку национални проекти. Исто така, тој бил координатор на Македонскиот партнер во Коперникус проектотот No ERBIC 15 CT98 0107 (1998-2001), "System for water monitoring and sustainable management based on ground stations and satellite images".

Д-р Томислав Џеков бил  еден од основачите на друштвото ЕТАИ и втор негов претседател  (1982)

Од 1998 to 2001, д-р Томислав Џеков ја вршел должноста  Заменик Министер за наука на Р. Македонија.