Роден е во с.Радожда, Струга на 09.02.1954 година. Дипломирал на Правниот факултет „Јустинијан Први“ во Скопје. Магистрирал на Институтот за социолошки и политичко – правни истражувања во Скопје, каде што и докторирал на тема: „Трансформацијата на општествениот капитал и управувањето со акционерските друштва во Република Македонија – правни и политички аспекти“.

Вршел стручни и раководни функции во областа на правото како директор на правниот сектор на Агенцијата за приватизација, помошник директор за правни работи на Републичкиот фонд за развој, како и раководител на одделението за приватизација во Министерството за економија. Вршел и самостојна адвокатска дејност. Бил професор на Бизнис Академија Смилевски Скопје по предметите одлучување и преговарање.
Покрај правосудниот испит, поседува и лиценца за застапник во постапката за заштита на индустриската сопственост, а завршил и обука за медијација, организирана од страна на Центарот за финансиски инженеринг во развој, под покровителство на Агенцијата за меѓународен развој на САД (USAID).

Учествувал на повеќе научни собири, во организација на реномирани домашни и меѓународни научно-истражувачки институции, меѓу кои: Job Ownership LTD од Лондон, Конфедерацијата на автономните синдикати на Југославија, First SouthEast Europe Corporate Governance Roundtable, Central European Imitative (CEI), Bulgaria Economic Investment Forum, the Regional Finance and Investment Conference for SouthEast Europe, International Congress of Tourism and Management, итн.
Објавил повеќе научни и стручни трудови од областа на правото, политиката, корпоративното управување, одлучувањето и преговарањето.