За нас

Декан

Деканот е раководен орган на матичниот факултет на кој е избран, овластен да го застапува и претставува факултетот како организациона единица на Универзитетот во земјата и странство, од областа на образованието, со согласност на Управниот одбор. На Деканот во вршење на својата работа му помагаат еден или двајца Продекани. Вршењето на должноста Декан и Продекан е неспоиво со вршење на државна функција или функција во политичка партија. 

Надлежности на деканот

  • Деканот во рамките на вршењето на раководната функција:
  • ги извршува одлуките и заклучоците на Управниот одбор, Ректорот, Сенатот и Наставно-научниот совет;
  • се грижи за усогласено вршење на високообразовната, научно-истражувачката и применувачката дејност;
  • ги свикува седниците на Наставно-научниот совет, го предлага дневниот ред и претседава со нив;
  • на Наставно-научниот совет му поднесува предлози на одлуки, општи акти и заклучоци за прашањата чие разгледување и решавање е во негова надлежност;
  • предлага распишување конкурс за избор на лица во наставно-научни звања на начини и според условите определени со овој Статут;
  • ги промовира дипломираните студенти и предлага доделување признанија;
  • иницира соработка со сродни установи во земјата и странство, по претходна согласност од Управниот одбор;
  •  врши и други задачи согласно со Законот, Статутот и општите акти на Универзитетот;


Деканот е должен најмалку еднаш во годината до Наставно-научниот совет, Ректорот и до Управниот одбор да поднесува извештај за својата работа. Деканот е одговорен за законитоста и статутарноста на работата на Наставно-научниот совет и има право и должност да го запре извршувањето на општ акт за кој смета дека е спротивен на Законите и Статутот на Универзитетот и одлуките на Управниот одбор. Запирањето на општиот акт и одлуката престанува, доколку Деканот, во рок од еден месец од денот на неговото запирање, не поведе постапка пред Уставниот суд на Република Македонија за оценување на неговата уставност и Законитост. За вршење на дел од своите права и обврски Деканот ги овластува Продеканите.