За нас
Универзитетски сенат
Универзитетскиот Сенат е орган на управување и стручен орган на Универзитетот, кој го сочинуваат претставници од факултетите, избрани со тајно гласање.
Универзитетскиот Сенат, според новиот закон за Високо образование, го свикува и со него раководи Ректорот проф. Д-р Лидија Наумовска.
Членови на универзитетскиот Сенат се: проф. д-р Здравко Стојаноски, проф. д-р Крсте Дејаноски, Проф. д-р Стојан Кузев, Проф. д-р Ленче Петреска, доц. д-р Павлина Стојанова, доц. д-р Иван Бимбиловски, доц. д-р Луси Караниколова, доц. д-р Игор Сековски.
Сенатот како орган на управување:
- донесува Статут и други општи акти; во согласност со законот и со одобрение од Управниот одбор
- избира и разрешува Ректор и Проректори; со претходна согласност на Управниот одбор
- го потврдува изборот на Деканите
- донесува Одлука за формирање на организациони единици во седиштето и надвор од седиштето на ЕУРМ, организации и трговски друштва, по претходна согласност од Управниот одбор.
- донесува четиригодишна програма за развој и годишна програма за работа;
- донесува програма за научно-истражувачка дејност;
- утврдува студиски програми и предметни програми
- врши потврда на избор во наставно-научни и наставно-стручни звања;
- спроведува постапка за воведување на втор и трет циклус студии;
- презема мерки и одлучува за унапредување на наставната, научно-истражувачката и применувачката дејност на факултетите, во согласност со законот и со одобрение од Управниот одбор.
- го предлага бројот на студенти за запишување во прва година на прв, втор и трет циклус студии;
- презема мерки за создавање и усовршување на наставно-научниот подмладок и за работа со особено успешни и талентирани студенти;
- избира и разрешува членови на Комисијата за самоевалуација на ЕУРМ и членови на подкомисиите за евалуација на факултетите.
- донесува Упатство за самоевалуација на Универзитетот;
- формира повремени или постојани комисии и други работни тела за одделни прашања од својата надлежност;
- организира домашни и меѓународни собири, симпозиуми, советувања и слично, по предходно одобрение од Управниот одбор;
- одлучува за меѓународната соработка, со согласност од Управниот одбор.
- дава согласност за наставно-научни и за стручни престои во странство, по претходно одобрение од Управниот одбор;
- одлучува за библиотеката, библиотечно-информацискиот систем и за реализирање на библиотечно-информациската и документациската дејност, како и за компјутерската мрежа;
- донесува Деловник за работа на Сенатот, одобрен од Управниот одбор.
- презема мерки за унапредување и заштита на стандардот на студентите и вработените
- ги утврдува научните, односно уметничките области, наставните подрачја и области како и наставните дисциплини за кои единиците во неговиот состав вршат високообразова дејност,
- дава мислење за спојување, поделба или присоединување на одделни единици на универзитетот.
- утврдува мислење за престанокот на потребата од постоење на определени единици на универзитетот и за нивното трансформирање,
- дава мислење и поднесува предлози на Програмата за високообразовна дејност и дава мислење по годишната програма за развој на единиците во неговиот состав,
- дава мислење и поднесува предлози на националната програма за научно-истражувачката дејност на Република Македонија,
- ги избира редовните професори,
- одлучува за доделувањето на титула почесен доктор на науки (aosxog popops caisa) и звањето почесен професор на универзитетот (professor popops caisa),
- дава мислење на интеруниверзитетската конференција по нормативите и стандардите за вршење на високообразовната дејност,
- донесува правилник за критериумите и постапката за избор во наставно-научни, научни, наставни и соработнички звања, со согласност на Управниот одбор.
- донесува Правилници за условите, критериумите и правилата за запишување и студирање на трите циклуси на студии, со согласност на Управниот одбор.
- донесува Правилник за единствениот кредит систем и преминот од една на друга студиска програма, односно од една на друга единица на Универзитетот
- донесува Правилник за издавањето на дипломи, додаток на дипломи, стручниот, односно научниот назив и други документи за завршени студии на високо образование и за условите и постапката за одземање на издадената диплома, со согласност на Управниот одбор
- донесува Правилник за начинот на кој се вршат стручно-административните работи од заеднички интерес на единиците на Универзитетот, со согласност на Управниот одбор
- ги утврдува работните обврски на вработените и утврдува принципи за уредување на работните односи на вработените што изведуваат високообразовна, научна и уметничка дејност, со согласност на Управниот одбор.
Сенатот врши и други работи утврдени со Законот за високото образование и со општи акти на Универзитетот.